ستـا د راتـلو پــه انتــــظار، سوځم لمبه لمبه شوم
سترګی می پاتی وی په لار، سوځم لمبه لمبه شوم
د پــاکـې مینـې پـه لټـون، د بیلتون کـور تــه رسم
وایــم ملګرو نـن پـه جــــار، سوځم لمبه لمبه شوم
جـانــان نـن بیـا یـو ځـل رقیب سره وعده ایښې ده
ځـکه راکــړي یــی اخــطار، سوځم لمبه لمبه شوم
د رڼــو اوښــکو پــه دریــاب غــوټی وهــم ډوبیږم
تـاسی دی ټـول وی خبـردار، سوځم لمبه لمبه شوم
خبـر تـری نــه وم مینـه اور ده سـره لمبه ده خلکو
چـی داسـی یـم پرهار پرهار، سوځم لمبه لمبه شوم
ټـولی ډیـوی ستـا د راتـلو او وفـاء مـړې شولی نن
چیرتـه کـه راشی په دی لار، سوځم لمبه لمبه شوم
تصویر ته ګورم ستا می اوښکې پـه ګریوان بهیږی
د شپـې له پیـل نـه تر سهار، سوځم لمبه لمبه شوم
چـی تیـر یـادونه ستـا په زړه کړم په سلګو شمه زه
ټـګ راکـوی لـکه ښــامــــار ، سوځم لمبه لمبه شوم
زمـا د ژونـد هـره شیبـه دی نــن خــزان خــزان کـړ
یـو ځـل رانغـلې پـــه بـــهار ، سوځم لمبه لمبه شوم
کـه دیــدن غـواړی اخـری نـو راشـه حـال می ګوره
لــه ډیـر مـودې یــم انتــظار، سوځم لمبه لمبه شوم
کـه دی وعـده خپله کړه ماته غـم به جوړ کړی اشنا
احــمد بـه اوګــوری پـه دار، سوځم لمبه لمبه شوم