دوامـداره ، دوامـداره زنـده ګـي ده
په نصیب مو څومره خواره زنده ګي ده
چی په خوله د هیـچا نوم اخیستی نه شو
څـه بې کیفه بـې اسـراره زنـده ګـي ده
نه ساقي شته ، نه جامونه میخانه کي
له خـوماره تر خـوماره زنـده ګـي ده
له پیـړیـو ستړي راغلو او روان یـو
لا تـر کومه په دې لاره زنـده ګي ده
مسافر یم د غمـو راباندي زور دی
بې له یاره ، بې دیاره زنده ګي ده
لا خو ژوند د ښایستو په سر تیریږي
لا خو میني ته وزګاره زنده ګی ده
اې ( انوره ) افسانو ته دي حیران شم
چي خوږه دي له پرهاره زنده ګي ده