كل نفس ذائقه الموت
په ډېره خواشيني سره خبر سولو چي د پښتو تكړه ليكوال او نوماند تاريخپوه ارواښاد ډاكټر حبيب الله تږى هم د ورپيښي ناروغى له كبله د پردېسۍ په ديار كي له دې نړۍ څخه وكوچېد.
انا لله و انا اليه راجعون
ارواښاد تږي د پښتو تكړه ليكوال او د كابل پوهنتون پخوانى استاد و چي د خپل زيار او هڅو په نتيجه كي يې زيات شمېر شاګردان روزلي او د دې ولس د ادب، فرهنګ او تاريخ د لا روښانه كولو لپاره يې شپه او روځ كار كړى.
د لوى احمدشاه بابا علمي او كلتوري مركز او د دغه مركز څخه د خپرېدونكي مجلې (هوډ) اداره د پښتو د دغه لوى او تكړه ليكوال مړينه د افغان اسكېرلي ولس لپاره يوه ستره او نه ډكېدونكى تشه بولي، د لايزال خداى له لويه درباره د ارواښاد تږي لپاره د هغې نړۍ د ښو او ښاديو غوښتنه كوي او د هغوى د كورنۍ، دوستانو او علاقمندانو سره په دې ستر ناورين كي ځان شريك بولي.
د لوى احمدشاه بابا علمي او كلتوري مركز
او هوډ مجلې اداره _ كندهار
مطيع الله روهيال
