دخپریدو نیټه : 2012-10-12 مخپرونکئ : 098 - دبېنوا اداره - کابل
ملالې يوسفزۍ
اټک يوسفزی
که ساقي خپله شراب څکي ګنهګار دی
خو مفتي هم زموږ وينه څکي خونخوار دی
بيا يې توره راويستلې سترګې سرې دي
خدايه خير کړې ظالم بيا خمار خمار دی
خزانو باندې يې وږي ټول ماړه شول
خو پښتون چې په کې خوار دی نو لا خوار دی
ټول ولس يې پرې يو يو له ستوني تېر کړ
د پاچا صاحب لستوڼي کې ښامار دی
د اټک ځواني ليلا نه ده خوړلې
د خپل قام په درد ولا چې سخت بېمار دی
