د ژغورنې لار

  
 وحدت روح د یو ملت لار د نجات ده
 دغه لاره د پایښت او د حیات ده
 او چې پیدا کله نفاق شي کوم ملت کې
 تباه کیږي په تاریخ کې دا اثبات ده
 ځان ځاني لکه د اور چې سړی سوزي
 خطره د دې بلا په هر اوقات ده
 چې د کېش په رنځ اخته لکه وچ بت شي
 بې له شکه یي نتیجه دلالت منات ده
 او چې د ټول ملت رښتنی خدمتګار وي
 دغه لاره ډیره ښه د مساوات ده
 د لېوه په څیر چې خوري د خلکو غوښې
 تعجب نه دی دا خاصه د هغه دذات ده
 څوک چې ژوند ګوري د نوروبدمرغیو کې
 له ویښته ورته نرۍ لار د صراط ده
 کوم ملت چې وي یو موټی او یو لاس وي
(آشنا) دا یـــــــی سمـــه لاره د نجـــات ده