د خدای ج د ذات پېژندل

    
 په خپل عقل انسان کله شي کولی
 چې پرې ذات د پاک اله یې پېژندلی
 د ده فهم دی عاجــز ددغــه کــاره
 رڼا یي د لمر ړانــده نشي لیدلی
 په قدرت یې یو څه پوهه حاصلیږي
 نور ددغه حد نه وړاندې نشي تللی
 حیوان کله پېــژندلی شــي انسان
 کاڼي بوټی تــرېنه هم دی ناتــوان
 د انسان په حقیقت کله خبــر دی
 نــاتــوان ددغــه کــاره ځنــا ور دی
 موجودیت یې قدرتونو کې څرګند دی
(اشنا)دا زموږ له پاره غوره پند دی